رحلة الشقردية الى البلاد الأوروبية (النمسا+المانيا) للاخ fa-9-al الجزء الثاني
اليوم الثالث
وصلنا الخوانق المائية klamm see weg وكان الدخول برسوم رمزي اظن اثنين يورو للشخص ,الخوانق عباره عن جداول مائية وشلالات صغيره ,تستحق الزياره لكن متعبه لان راح تمشي على رجلينك اللين تتعب 
بالطريق صادفنا هالمناظر
نزلنا بهالمكان وصورنا هالمكان الساحر , لكن صار لنا موقف هنا لاينسى هههههه,هجم علينا الله يكرمكم كلب شكله مخطي فينا هههههه 
ركبنا سيارتنا واتجهنا لبحيرة زيلامسي نتجول بالقارب
منظر لزيلامسي اثناء التجول بالقارب
القارب مساره انه ينزلك بالجهه المقابله ونزلنا بالحديقه المقابله لقرية زيلامسي
حديقه مرتبه وجميله
بعدها طلعنا لقرية فوش قريبه لزيلامسي
بهالقرية بجانب الطريق صلينا العصر والظهر وبعد الصلاه مرت من جنبنا مره نمساويه وقالت :سلام عليكم وكان معها اطفالها الصغار مستغربين منا
واهدينا عليهم حلا ,سألناها عن الاسلام قالت قريبتي مسلمه وأعرف دينكم لكن هي نصرانيه .
وانتهى يومنا……
اليوم الرابع
صحينا ع طلعت الشمس مع ان النمسا ليلهم قصير من 9 المساء الى 4 الفجر بس
هاليوم حاطين اكثر من أكتفتي مشينا اول شيء الى الزحليقه الصيفيه الموجوده بكابرون ,تستحق الزياره
بعدها اتجهنا الى قمةkitzsteinhorn الثلجيه الموجوده ايضا بكابرون ويبلغ ارتفاعها 3025 متر
بالطريق للقمة وقفنا عند هالسنافي راعي هالبقر وصورناه 
كملنا طريقنا للقمة وشرينا التذاكر الشخص الواحد 32 يورو ركبنا التلفريك وكان ع ثلاث مراحل كل مرحله تقدر تنزل ومتى مابغيت تصعد للمرحله الثانيه تركب اقرب تلفريك 
هذي المرحله الاولى
بالمرحله الاولى حصلنا محل تأجير ملابس واحذيه
وضعت بصمتي عنهم للذكرى
المرحله الثانيه للتزلج
رفضوا يأجروننا لأننا مانعرف نتزلج هههههه
هذي القمه نهايه المرحله الثالثه
بعدها مرينا الكوفي الموجود بالقمه وتقهوينا ونزلنا
مشينا لقرية كابرون قاصدين قلعه كابرون التاريخيه بالطريق حصلنا منظر خيالي قريب من كلامسي وق
كان معنا قهوه وشاهي وتقهوينا
بعدها كملنا طريقنا لقلعة كابرون وبالطريق حصلنا مطعم تركي وتغدينا فيه
مدخلقلعه كابرون التاريخيه
نهر صغير بجانب القلعه
هذا بيت شريف كابرون مجاور للقلعه وعاده بيت الشريف يكون موحدة التصميم
حصلنا سياح اوروبيين بالقلعه
بعدها طلعنا وتمشينا بكابرون
قبل مغيب الشمس بثلاث ساعات طلعنا من كابرون الى زيلامسي وتبعد عنها 5 كيلو
حصلنا 6 شباب من كوسوفو ونمساوييين يلعبون كوره بجانب البحيره قالوا نبي نباريكم هههه
وباريناهم وابشركم اننا خقمناهم شر خقمه >> يعني هزيمه نكرا و رفعنا من سمعه الرياضه السعوديه 
بعدها رجعنا للشاليه متعبين 
ونكمل ان شاء الله باقي الرحله وهو اخر يوم في زيلامسي والمعذره ع كثرة الصور
سوف يكون الجزء القادم ان شاء الله
